التخطي إلى المحتوى

رؤية المطرقة في المنام تدل على حسن الخلق والدين والقدرة على تحمل المسؤوليات الصعبة التي يمر بها الحالم سواء في مجال دراسته أو عمله كما تدل في منام الفتاة العزباء على كثرة الطموحات والاحلام التي ترغب في الوصول لها وسوف تنالها بأمر الله وفي بعض المواضع يدل امساك الرجل لزوجته المطرقه على كثرة المشاكل والخلافات القائمة بين علاقتهما معاً وفي منام الشخص المريض يدل الشاكوش على الشفاء من المرض والتخلص من الالام والمتاعب التي تعكر صفو الحياة ويرى الامام ابن سيرين ان استخدام المطرقة في المنام مشروعات ناجحة و مال وفير وحياة مستقره ولك في هذا المقال أهم وأبرز التفسيرات المرتبطة برؤية المطرقة في الحلم بالتفصيل.

المطرقة في الحلم لابن شاهين والنابلسي

  • يرى الامام ابن شاهين ان استخدام الشخص المريض للشاكوش او المطرقة في المنام دليل على اقتراب الشفاء من الله عز وجل.
  • من كان صاحب امنيات وطموحات بعيدة ورأى شاكوش في منامه دل ذلك على حسن الخلق والدين والتقرب من الله بالأعمال الصالحة.
  • إذا امتلك الرجل مطرقه في منامه نال سلطة ومكانة رفيعة في العمل كما تميز بين الأخرين بالابداع والابتكار.
  • كما وضح ابن شاهين أن المطرقة من وجهة نظرة مشاريع ناجحة ومال وفير من مصدر حلال.
  • وفي هذا الضوء يرى النابلسي ان المطرقة في الحلم رزق حلال وقد يدل في منام العاصي على النميمة والتحدث في اعراض الاخرين.

استخدام العزباء و المتزوجة للمطرقة في المنام

  • استخدام الفتاة العزباء للمطرقه في المنام يدل على فرص العمل الجديدة القادمة الي طريقها والتي سوف تحقق منها مكانة ومستقبل مرموق بين الناس.
  • تشير المطرقة للفتاة التي لم يسبق لها الزاوج لصحبة وفية مخلصة تبادلهم مشاعر الحب والمودة.
  • المطرقة ليس إلا زوال للكرب والمشاكل وحل للأزمات النفسية التي تعاني منها منذ زمن بعيد.
  • اعرض العديد من علماء الأحلام حول رؤية المطرقة في حلم العزباء بأنها زواج واكدوا بعدم وجود صله بينهم.
  • كما تشير في منام المرأة المتزوجة للاستقرار والنجاح الكبير في الحياة الاسرية وتحمل مسؤوليات منزلها بجدارة.
  • إذا كانت المتزوجة طالبة علم دلت المطرقة على النجاح ونيل الاماني البعيدة وامساك الزوج بمطرقة كبيرة في الحلم بشرى بنيل وظيفة مرموقة او ترقيه جديدة في العمل.
  • قد يرى العديد من علماء الأحلام ان المطرقة أو الشاكوش في منام المتزوجة تجديد لأثاث منزلها او نجاح لأبنائها.

الشاكوش في الحلم كما يراه ابن سيرين

  • كان للإمام ابن سيرين وجهه نظر واضحة في رؤية الشاكوش في الحلم حيث أنه سعادة وفك للكرب والاسر وشفاء من المرض.
  • إذا رأى الحالم مطرقة في منامه وكان يحمل الكثير من الرغبات القوية والأحلام البعيدة دل ذلك على الوصول لها عما قريب.
  • في حلم التاجر او العامل تشير المطرقة الى نجاح تجارته وجني الكثير من الاموال الحلال.
  • الشاكوش في المنام لابن سيرين انعكاس لبعض سمات الشخصية كالقدرة على تجاوز المحن وكسب التحديات ونيل الأماني البعيدة.

رؤية الحامل للمطرقة في المنام

  • قد تمر المرأة الحامل بالعديد من التغيرات النفسية والجسدية التي تؤثر على رؤياها بشكل كبير حيث أن استخدام الشاكوش أو ما يسمى بالمطرقة في المنام متاعب كبيرة وخوف وقلق نفسي يعكس على رؤياها.
  • بينما يدل ضرب الشاكوش أو استخدامه لبعض الاعمال المنزلية بشرى باقتراب الوضع و سهولة الولادة والحصول على جنين معافى من كل سوء بأمر الله.

التعليقات

  1. حلم اخي انو كان بشتغل بالمحل وانا وبنتي معه جالسين بالمحل وكان في حظر تجول بالمنطقة وكان في شرطة بيمشو بسياراتهم وشافونا فاتحين المحل وقفو ثنين من الشرطة نادو على اخوي وحكولو تعال بدنا ناخدك معنا لانك مخالف القانون وفاتح محل بالحظر وكان اخوي يحكيلهم لا ويقنع فيهم مشان ما ياخدوه وحكالهم اختي مطلقة وعندها بنت وفاتحين محلنا مشان تصرف على حالها وحاولو الشرطو ياخدوه وشاف بالسيارة ابن عمي اسمه علاء وهو بالحقيقة كأنه نقيب بالجيش بس فجأه شافهم ماتو شاف الشرطين الثنين ماتو واحد نقطع جسمو نصين والتاني مات واجو شرطيين تنين غيرهم واعطوة مصاري الي ولبنتي الاول اعطاه ٧ دنانير وحكاله بس اروح من الجيش بكملهم على ١٠ دنانير والتاني اعطاه ٧٠ دينار وبعد شوي رجع اعطاه ٣٠ دينار وحكالو صارو ١٠٠ دينار بتعطيهم لاختك ولبنتها صدقه مني مشان يصرفو ع حالهم ويشترو ملابس والاول حكاله بتعطي السبع دنانير لاختك وبعدين بكملهم للعشرة هدول صدقة وانتهى الحلم..انا مطلقة وعندي بنت عمرها سنتين ونص واخوي شاب عزابي عمرة ٢٤سنه وبشتغل بمحل ملابس ستاتي ودارس دبلوم فني هندسة والشرطة الي اعطوة الفلوس واحد الي اعطاه ٧ دنانير اخوي بيعرفة والتاني الي اعطاه ١٠٠ دينار مجهول ما بعرفة.

  2. حلمت قبل يومين انني كنت بالمدرسة وابنت عمي كانت معي وكان عند بنت عمي مناسبة وكأنه ابوها كان مسافر ورجع المهم فهي كان معها حلو كتييير بتوزعه على الناس وعلى عمامي وانا طلبت كيس حلو منها وهي اعطتني كيس كبير من الحلو وانا شفت معها كمان رحت واخذت كمان حلو منها وانتقل الحلم عند بيت جدي ابو ابوي وبنتي كانت معي وامي وكان جدي نايم وجدتي صاحية وانا مسكت بنتي وكان معي ابريق ماء وغسلت جسم بنتي كامل يعني استحممتها ورشيت جسمها بالماء وفتت لجوا البيت وفجأة شفت نفسي نائمة جنب جدي على نفس الفرشة وجدي عاشرني يعني(جامعني من الخلف)وكاني شفت الماء خرج منه((استغفر الله العظيم)) وانتهى الحلم…انا مطلقة وعندي بنت عمرها سنتين ونص وبنت عمي مخطوبة وما في تواصل كتير بيني وبين جدي يعني في خلاف ما بينا ..اعذريني اختي على الصراحة بسرد الحلم بس المنام قلقني كتير وبدي اعرف التفسير لو سمحتي

  3. حلمت كنت بمكان قدام كفي شب(مقهى للقهوة) وانا طلبت قهوة وفي شب بيعمل قهوة الي بس انتقل الحلم لمكان تاني كنت انا بارض كبييرة يعني بستاان اخضر وحلو كتييير وكبيييير وكا هاد البستان الي انا شتريتة صار ملكي وصرت انا اتمشى فية وكان بنص البستان طريق كتير حلو والبستان مزروع شجر رمان والرمان لونة احمر وانا بمسك الرمان بايدي وبتأمل فيه..انتهى..انا مطلقة وعمري ٢٦ والشاب لا اعرفة

  4. حلمت انو كنا بالبيت انا وزوجي ولادي واجت ورقة النا فكرناها من المخابرات الورقة كانت زي الاستدعاء لابني الكبير يعني الورقة جايه لابني واخدنا الورقة وطلعنا بالسيارة لنروح على المخابرات واحنا ماشين بالشارع وراكبين سيارة وقفنا شرطي وسألنا وين رايحين حكيتله احنا رايحين على المخابرات اجتنا منه استدعا لابني اخد الشرطي الورقة وفتحها وقرأها وحكالنا هاي مو من المخابرات هاي ورقة تكريم مكتوب فيها ورقة تكريم للمخترع المكتشف يزيد واحنا نبسطنا لانه طلع يزيد ابني مخترع مكتشف وبدهم يكرموه وخلص الحلم…انا متزوجة عندي بنت واربع اولاد وابني الي بالحلم اسمه يزيد بالحقيقة وهو طالب جامعه هندسة حاسوب وعمرة٢٥ سنة وغير متزوج

  5. حلمت انو كنا بالبيت انا وزوجي ولادي واجت ورقة النا فكرناها من المخابرات الورقة كانت زي الاستدعاء لابني الكبير يعني الورقة جايه لابني واخدنا الورقة وطلعنا بالسيارة لنروح على المخابرات واحنا ماشين بالشارع وراكبين سيارة وقفنا شرطي وسألنا وين رايحين حكيتله احنا رايحين على المخابرات اجتنا منه استدعا لابني اخد الشرطي الورقة وفتحها وقرأها وحكالنا هاي مو من المخابرات هاي ورقة تكريم مكتوب فيها ورقة تكريم للمخترع المكتشف يزيد واحنا نبسطنا لانه طلع يزيد ابني مخترع مكتشف وبدهم يكرموه وخلص الحلم…انا متزوجة عندي بنت واربع اولاد وابني الي بالحلم اسمه يزيد بالحقيقة وهو طالب جامعه هندسة حاسوب وعمرة٢٥ سنة وغير متزوج

  6. حلمت حلم خير اللهم اجعلة خير (حلمت بابني الكبير خلص دراسة بالجامعة بس تخريجة لاخر السنه (يعني تخرج نص السنة والجامعة بتعملة حفلة تخريج اخر السنة) وكنت حابة اعمل اله حفلة بس حكيت خلص الناس عرفو انو خلص جامعة واخر السنة الجامعة بتعمله تخريج مع الطلاب وبشوف عمت ابني(اخت زوجي )اجت تبارك اله بتخريجة ومعها هدية باكيت بسكوت وحكيت لنفسي ليش ما جابت طقم قزاز لانه احسن بس عادي تقبلت الهدية(لانه من عاداتنا هدايا النجاح والتخريج بيهدوهم قزاز او فلوس) وبعدها شفت اخت زوجي نفسها مع ابنها اسمه بسام جابو غرفة نوم النا ع اساس احنا شتريناها منهم مرة بحس الغرفة الي ومرة بحسها لبنتي الكبيرة وركبوها بغرفة بالبيت وجهزوها ولون الغرفة بني ومستعملة بس شبة جديدة وحلوة كتييير ومعها مسبلين واحد مفرود على التخت وهاد النا بالحقيقة لونه عسلي وواحد جديد محطوط بباكيته مسكر لونه بني وفية رسمة بيضاء وكتير حلو وحطيته فوق الخزانه) وخلص الحلم#انا متزوجة عندي اربع اولاد وبنت كبيرة عمرها ٢٦مطلقة وغرفة النوم كنت مرة اشزفها الها ومرة الي وابني الي بالحلم يلي اتخرج عمرة٢٥سنه طالب جامعة غير متزوج

  7. حلمت انو بابا واخواني كانو بقطفو زيتون بارض جنب بيتنا ووبس خلصو اجو علينا وحكولنا خلصنا بس ضل اشي بسيط وانا وماما روحنا على الارض لنكمل الباقي الزيتون وبس وصلنا الارض كانت بنتي نايمة وانا خفت انيمها على الارض من الحشرات او الافاعي فعملت الها مرجيحة على الشجرة ونيمت ميرال فيها

  8. حلمت انني كنت بمكان مو مذرة وين ومعي امي واخوي وغيرهم مو مذكرة وانا كنت محشورة بدي اروح على الحمام وشفت جنب الطريق شبه حمام يعني مرة بحسة حمام ومرة بحسة مكان للبول بس مو حمام المهم انا رحت اتبول بهاد المكان وبس خلصت من البول تناجيت من البول بالماء يعني اغتسلت من البول بكاس ماء ونضفت بعدها بمنشفة وبس مشيت من المكان شفت على حافت ارض بطيختين كباااار كتير مفتوحات من النص والبطيخ لساته على شجرتة ولونه من برا اخضر ومن جوا احمر وكانو كبااار كتيرر وشفت رجال فضاء واحد منهم مسالم غير مؤذي والبقية ذهبو للفضاء وضل واحد بس ع اساس انا بدي اطلع معه على الفضاء وبس …انا مطلقة

  9. حلمت حلم خير اللهم اجعلة خير (حلمت بابني الكبير خلص دراسة بالجامعة بس تخريجة لاخر السنه (يعني تخرج نص السنة والجامعة بتعملة حفلة تخريج اخر السنة) وكنت حابة اعمل اله حفلة بس حكيت خلص الناس عرفو انو خلص جامعة واخر السنة الجامعة بتعمله تخريج مع الطلاب وبشوف عمت ابني(اخت زوجي )اجت تبارك اله بتخريجة ومعها هدية باكيت بسكوت وحكيت لنفسي ليش ما جابت طقم قزاز لانه احسن بس عادي تقبلت الهدية(لانه من عاداتنا هدايا النجاح والتخريج بيهدوهم قزاز او فلوس) وبعدها شفت اخت زوجي نفسها مع ابنها اسمه بسام جابو غرفة نوم النا ع اساس احنا شتريناها منهم مرة بحس الغرفة الي ومرة بحسها لبنتي الكبيرة وركبوها بغرفة بالبيت وجهزوها ولون الغرفة بني ومستعملة بس شبة جديدة وحلوة كتييير ومعها مسبلين واحد مفرود على التخت وهاد النا بالحقيقة لونه عسلي وواحد جديد محطوط بباكيته مسكر لونه بني وفية رسمة بيضاء وكتير حلو وحطيته فوق الخزانه) وخلص الحلم#انا متزوجة عندي اربع اولاد وبنت كبيرة عمرها ٢٦مطلقة وابني الي بالحلم يلي اتخرج عمرة٢٥سنه طالب جامعة

  10. حلمت اني بالمدرسة وفي امتحان وكأنه امتحان توجيهي وصاحبة الي قديمه كانت بتاكل بزر اعطتني بزر واكلت معها وشفت معها قضامه بس ما اخدت منه وانا طلعت من المدرسة فتت على دكانه اشتريت علبة حلوة فيها مي وبرق يعني اشياء بتعطي لمعه كتير حلوة وفيها زامور اذا بضغتها بتزمر زامور ناعم ومشيت بالشارع شفت ناس قاعدين في باص مواصلات وشفت رجل من الجيش رتبته عالية حسيت عمره بالثلاثين وكان جالس قدام الباص على كرسي وطاوله وبيفحص الناس اسنانهم وكانو بيحكو الي عمرة صغير واسنانه منيحه ونضاف وصالحات بختاروة حسيت وكانها مسابقة او وضيفة بس مو متذكرة وانا حكيت لحالي صحيح انا مو زغير عمري بس اسناني نضاف يمكن يختاروني فانا رحت على الرجل الي رتبته عالية وهو بنفس الوقت دكتور اسنان جلست على الكرسي وفحص اسناني باصبعة يعني كان يحط اصبعه على كل سن وطاحونة ليتأكد انو طواحيني موجودات اخر اشي حط اصبعة على طاحونة العقل (الطاحونة الاخيرة) وجعتني شوي وانا بكيت بس شوي شوي وحكالي الدكتور انتي طاحونة العقل عندك طالعة وجعتك ولساته عمرك ١٩ سنه انا ضحكت وحكيتله انا عمري ٢٤سنه مع انه بالحقيقة عمري ٢٦سنه المهم الرجل استغرب انه عمري ٢٤لانه مبين علي اصفر وانا مشت لجهة الدكان وهو ركب سيارتة ومشا وراي بدة يعرف مكان بيتي بده يخطبني وانا بيتي بمكان بعيد وانا ماشيه شفت جنب الطريق يانسي ثوب الصلاة لونه ازرق غامق على الارض اخدته ونفضته من الاوساخ ومشيت وقف الرجل جنبي وكان لابس شماغ احمر (الشماغ الاردني)وعقال على راسة وحكالي حكي مو مذكريته بس الي فهمته انه حكالي بدي اخطبك وشاف معي العلبة يلي اشتريتها من الدكان حكالي زامور العلبه ناعم وحلوة كتير وانا كنت مبسووطة لانه معجب في..وصحيت من الحلم..انا مطلقة عمري٢٦ والرجل لا اعرفة ويانس الصلاة يلي بالحلم هو يانسي بالحقيقة

  11. حلمت انني وقرايبي بمكان عند جدتي طلعت انا عالشارع شفت الملكة رانيا العبد الله ملكة الاردن شفتها وانا رحت عليها وقفت معها وطلبت منها تساعدني حكتلي ماشي بس حسيت انها مو جدية بالحكي وانا شددت عليها بالطلب وحكيتلها بدي استقر بحياتي بدي تساعديني وصرت ابكي بحرقة ودموعي تنزل وانا اكرر الطلب عليها وماسكيتها من كتافها وهي بس شافتني ببكي حزنت علي ووافقت واعطتني بيت من نفس القصر الي ساكنين فيه (يعني قصرهم كبير فيه اكتر من بيت واعطوني بيت من نفس القصر )وكانو جنبي وانا سكنت بالبيت ومعي بنتي الصغيرة لحالنا وانا كنت مبسوطة كتير وغنية وصار الي قناة على اليوتيوب وكنت بصور فيديو الي وانا كنت مفرعة (يعني بدون حجاب) ولون شعري احمر غامق وقصير لحد كتافي مع انه بالحقيقة لون شعري اسود وطويل وكان شعري بالحلم كتييير حلو وعاجبني وانا بصور سالتني وحدة من المتابعات على اليوتيوب حكتلي انتي عاملة سشوار لشعرك لانه كتييير ناعم حكيتلها لا هو هيك طبيعي وكان جمييل كتييير وناعم وكنت كل شوي اشوف شعري بتسريحة شكل يعني مرة مفرود على جنب ومرة مرفوعة على شكل تسريحة ومربوط كعكة وفجأة اجت امي وخالتي وجدتي علي زيارة وانا وقفت التصوير واستقبلتهم وكان ابنت الملكة (الاميرة) وابنها (الامير)موجودين عندي بالبيت ونايمين بغرفة من غرف البيت بس كانو صغار شوي وانا صرت احضر بالاكل للسحور لانه رمضان وسمعت الاذان الاول اذن(عفكرة عندنا بالاردن باذن الفجر اذانين الاول تنبية والتاني الحقيقي)لما سمعته صرت احضر انا وبنت الملكة وفتحت التلاجة شفت فيها اكل كتييير اشكال والوان وصرنا انا والاميرة الصغيرة نحط اكل لبنه وجبنه وكتير شغلات والاميرة اعطتني معالق كتيييرة وانا كنت امسك معلقة واحط فيها نوع من الاكل وارجع اخد معلقة تانية واحط فيها نوع تاني وهكذا بس جهزت الاكل وكان المطبخ كبيير وحلو وكان في درج جنب المطبخ حطيت الاكل قدام امي وخالتي وجدتي بس فجأة اذن الاذان التاني وما اكلو لانه بلش الصيام بس انا كنت حاطة لقمة اكل بتمي بس اذن انا بلعتها وصرت اكل يعني ما وقفت الاكل وضليت اكل من اللبنه والجبنه وشغلات كتييرة …انتهى الحلم…انا مطلقة عمري٢٦سنه انا بحلم بالملكة كتييير والله مو عارفة ايش الهدف من هالاحلام هاي لانه الي سنه من اول ما طلقت بحلم بالملك والملكة كتييير تقريبا كل شهر مرة او مرتين ارجوكي فسري الحلم بالتفصيل وشكرا…

  12. حلمت اني بالمدرسة وفي امتحان وكأنه امتحان توجيهي وصاحبة الي قديمه كانت بتاكل بزر اعطتني بزر واكلت معها وشفت معها قضامه بس ما اخدت منه وانا طلعت من المدرسة فتت على دكانه اشتريت علبة حلوة فيها مي وبرق يعني اشياء بتعطي لمعه كتير حلوة وفيها زامور اذا بضغتها بتزمر زامور ناعم ومشيت بالشارع شفت ناس قاعدين في باص مواصلات وشفت رجل من الجيش رتبته عالية حسيت عمره بالثلاثين وكان جالس قدام الباص على كرسي وطاوله وبيفحص الناس اسنانهم وكانو بيحكو الي عمرة صغير واسنانه منيحه ونضاف وصالحات بختاروة حسيت وكانها مسابقة او وضيفة بس مو متذكرة وانا حكيت لحالي صحيح انا مو زغير عمري بس اسناني نضاف يمكن يختاروني فانا رحت على الرجل الي رتبته عالية وهو بنفس الوقت دكتور اسنان جلست على الكرسي وفحص اسناني باصبعة يعني كان يحط اصبعه على كل سن وطاحونة ليتأكد انو طواحيني موجودات اخر اشي حط اصبعة على طاحونة العقل (الطاحونة الاخيرة) وجعتني شوي وانا بكيت بس شوي شوي وحكالي الدكتور انتي طاحونة العقل عندك طالعة وجعتك ولساته عمرك ١٩ سنه انا ضحكت وحكيتله انا عمري ٢٤سنه مع انه بالحقيقة عمري ٢٦سنه المهم الرجل استغرب انه عمري ٢٤لانه مبين علي اصفر وانا مشت لجهة الدكان وهو ركب سيارتة ومشا وراي بدة يعرف مكان بيتي بده يخطبني وانا بيتي بمكان بعيد وانا ماشيه شفت جنب الطريق يانسي ثوب الصلاة لونه ازرق غامق على الارض اخدته ونفضته من الاوساخ ومشيت وقف الرجل جنبي وكان لابس شماغ احمر (الشماغ الاردني)وعقال على راسة وحكالي حكي مو مذكريته بس الي فهمته انه حكالي بدي اخطبك وشاف معي العلبة يلي اشتريتها من الدكان حكالي زامور العلبه ناعم وحلوة كتير وانا كنت مبسووطة لانه معجب في..وصحيت من الحلم..انا مطلقة عمري٢٦ والرجل لا اعرفة ويانس الصلاة يلي بالحلم هو يانسي بالحقيقة

  13. حلمت بخالتي طلبت من زوجتي مصاري كانت زوجتي ماخدة ٣٠٠دينار دين من خالتي وخالتي طلبتهم وزوجتي حكتلها ما معي وانتهى الحلم(مع العلم انه زوجتي مو ماخدة اشي من خالتي ولا دين ولا بينهم تعامل ولا حتى زيارات ) انا متزوج عمري ٤٦سنه وعندي اربع اولاد وبنت مطلقة وزوجتي عمرها ٤٦سنه

  14. حلمت انا كنت قاعدة بالشارع ومعي امي وبنتي وانا وبنتي كنا بناكل بحلويات (الطبقة الاولى نشاء والتانية كستر والتالتة جلي لونه احمر) وانا كنت باكل وبنتي وكانت زاكيه وفجأه اجت خالتي علينا ومعها صحن فيه قطعة كيك كبيرة اعطتني اياه وامي حكتلي خديها من خالتك هاي الكيكة احنا اعطيناها لخالتك ورجعتها الك وانا اخدتها وصرت اكل فيها وبعد شوي شفت اخوي كان معه صينية كبيرة صينيت كيك بس كانت فاضيه وفيها سمنه وصار يدهن فيها بالسمنه وكان واقف برا عالشارع بستنا الباص بدة يركب فيه ويروح علمحل الي بشتغل فية ودهن الصينيه واجا الباص ورب بالباص بس مو من جوا ركب من برا ومعه الصينيه وانا بحكي لحالي انه دهن الصينيه مشان يحط فيها خلطت الكيك ويحطها بالفرن ..انتهى…انا مطلقة وبنتي عمرها سنتين ونص واخوي عمرة ٢٤سنه دارس دبلوم بس مو متوضف بيشتغل بمحل ملابس ع يوميات وخالتي الي فالحلم بينا وبينهم مشاكل ومتحسسين من بعض لانها ما بتحبنا…وشكرا

  15. رأيت في المنام انا اجت خالتي زارتنا بالبيت ومعها اولادها وحكتلي حلم وانا فسرته الها وفسرته انها بدها تسافر وحكيتلها بتعطيني الحلوان اذا تحقق التفسير وتاني يوم سافرت واولادها ضلو عنا وانا حكيت لبنتها خلي امك تعطيني حلواني لانه تفسيري تحقق وفچأه بنتي كانت نايمه صرخت صوت عالي فكرت صار اشي معها رحت بسرعه علغرفة كانت مستفرغة كتييير على التخت والارض استفرغت استفراغ كتييير والتخت كله استفراغ وانا حضنت بنتي وحكيتلها مالك حكتلي خلص انا منيحه وشفتها فعلا هي منيحه وما فيها شي وصارت بدها تلعب…انتهى…انا مطلقة وبنتي عمرها سنتين ونص.

  16. حلمت انا كنت ببرش بزهرة (قرنبيط) وكان في شباب انا ما بعرفهم بالحقيقة كانو بدهم اياني وانا بحاول ما حدا يفوت لعندي وسكرت الباب بس بعد شوي فتحت الباب وفاتو وحسيت في واحد منهم اجا لعندي وقف جنبي بس ما بعرف ايش بدة وانتهى الحلم…انا مطلقة…

  17. حلمت انني كنت ببيت عمي وكانو عمامي وقرايبي وابن خالتي كانو جالسين خارج البيت بالحوش وانا سلمت على عمي الكبير وشفت ابن خالتي قاعد معهم البست يانس الصلاة(ثوب الصلاة) وحاولت اكون جميلة باليانس مشان ابن خالتي يعجب في وشفت حالي على المرآة كنت حلوة طبعا بدون ولا نقطة مكياج على طبيعتي كنت وطلعت لبرا وجلست عندهم بس نظرت تحت الشجرة ورآئي شفت القليل من البراز تحت الشجرة المهم جلست بين قرآيبي وصرت انظر لابن خالتي وحسيت انا انه ابن خالتي صار ينظر الي وانتهى الحلم..انا مطلقة ..

  18. حلمت انو انا بمكان جمييل وبيت كبييير شبيه القصر والقصر كان جميييل جدا وراقي وكان عالي يعني لحتى نقدر ندخل علية بنطلع على درج (سلم) الدرج عالي والقصر كله اضويه الاضويه كتييير وفجأة اجا الملك عبد الله وزوجته الملكة رانيا واولادة وجلسو عندي بالبيت وحكو انهم بدهم يغيرو جو عنا كم يوم وانا نبسطت كتيير مع العلم انا كنت بالقصر ومعي شباب تنين او تلات وما كان حدا معي من اهلي وكنت انا واقفة على البلكون بتامل بمنظر الجميل حوالي القصر كان كله اخضر ورائع والملك والملكة موجودين معنا وبيتجولو بالقصر والملك عجبوة الاضوية الكتيرة على البرندا (بلكونه) انا مطلقة وعندي بنت

  19. حلمت انو انا وامي كنا لابسين فستان عرس ابيض وطرحة بيضاءوتسريحة حلوة ومكاج حلو كنت انا وماما كتيير حلوين..انا مطلقه عمري ٢٦ وامي عمرها ٤٦ وحالت امي المادية تعبانه وعندي انا وامي امنية متمنيين تحقيقها ان شاء الله…

  20. انا مطلقة و هناك شاب يريد الزواج مني ولكن والداه رفضا رفضا شديدا و خطبو له فتاة أخرى
    حلمت باني واقفة معه أمام خزانة ملابس وكان يغير ملابسه و انا اطوي الملابس التي ينزعهاو اضعها في الخزانة، ثم بدأت انا ايضا اغير ملابسي و اختار حقيبة اليد التي ساحملها

  21. حلمت أن امي اعطتني ٥ دنانير واعطت اختي زوجت سلفي (يعني انا واختي سلفات متزوجين من اخوين) أعطتها ٦دنانير …انا متزوجة عمري ٤٦واختي عمرها ٤٤ متزوجات وسلفات واختي لا تحبني وتكرهني..انا لدي اربع اولاد وبنت وابنتي اكبر من اولادي عمرها بالعشرين ومطلقة

  22. حلمت انو اهلي واقاربي بدهم يزوجوني من شاب غصب عني وانا لا اريدة لأنه فقير لكن شكله مقبول وانا تزوجته غصب والشب مسك ايدي واخدني على بيته غصب وانا ابكي لاني لا اريدة ولكن بعد قليل انا هدأت وفكرت حكيت لحالي ليش أرفضه صار زوجي والفقر مو عيب المهم انا كنت جوا البيت انا والعريس كنت أنا لابسة فستان بيتي لونه احمر(قميص نوم)طويل وفي ناس كانو ينادوا على العريس وانا طلعت عليهم كانو يصرخو بدهم يضربو وانا دافعت عنه وسكتتهم وفتت لجوا البيت كانت امي موجودة وكان ضهري ما بين كتافي كله دود لونه ابيض الدود جوا الجلد دود كتيير وانا صرت اشيل منه شوي وامي تشيل الدود وامي تفاجأت بكمين الدود وكان في دودة وحدة سوداء طبعتها بايدي والدود الابيض ضل بالجلد امي اخدتني على الدكتور وصار الدكتور يعالج فيه وبدو يشيل الدود والممرضه والدكتور حكولي الدود موجود بالجلد بضهرك بسبب الي ما يخافون الله خلطوه بالاكل تلك وانا فهمت من حكيهم أنه قصدهم السحر نخلط بالاكل الي والدكتور كمل علاجي وصحيت من النوم ..انتهى..انا مطلقة وعمري ٢٥ بسمع رقيه شرعيه الي ٣ايام وبقرأ سورة البقرة الي اربع شهور وبنام على سورة البقرة والرقيه

  23. رأيت بالمنام زوجي السابق كنت بالبيت مع بعض ع أساس لسا مو منفصلين وكنا بدنا نعمل حفلة واعزم قرايبي وليست بنتي وطلبت من طليقي ليرة ذهب لبنتي وهو أعطاني ليرة ذهب ولبستها لبنتي واجو ناس كتييير علينا بس ما كان في اغاني وشفت خالتي اجت ومعها بنتها الصغيرة الرضيعة واعطاني إياها مشان احملها عنها وانا إحداها وكانت لابسه ليرة ذهب وشفت حالي لابسه لباس كتييير حلو ومسشورة شعري بشكل حلو وناعم وحاطه مكياج حلو وشافني ابن خالتي وحكتلي انتي حلوة كتيير انا نبسطت بس كنت حابة إخوة الكبير عمرة من عمري كنت حابة هو يلي يشوفني ويعجب في بس انا شفت حلويات كتيرة ببيتي ومعجنات وشفت قالب كيك كبير الي وانا صورته بتلفون لونه اسود تلفون لمس وفتت لجوا البيت صرت ادور على ابن خالتي الكبير لحتى يشوفني ويعجب فيي وشفته كان واقف بالغرفة بيتمشى زي المحتار وبفكر وانا فتت وهو شافني وعجبته وانا بس شفته اخدت شي زي غطاء للرأس وحطيته ع راسي وكان بايدي شنطة زغيرة وكندرة صغيرة الشنطه والكندرة مو الي كانو اغراض للعبة (لعبة باربي)…وانتهى…انا مطلقة ولا اريد الرجوع لطليقي وطليقي لا يعطيني حقوقي بالنفقة والمهر ونفقة بنتي وبنتي صغيرة عمرها سنتين ونص وابن خالتي الكبير عمرة من عمري ٢٦وعزابي وانا ادعو الله ان يكون من نصيبي لكن أمه يعني خالتي لا تحبنا..

  24. حلمت باخوي عمرة25سنه تقريبا انو كان عامل عمليه بعيونه لأنه معه طول نظر والعمليه عملها مشان يعالج عيونه ونجحت العملية وكنت أنا يطلع على عيونه شفت بنتي الصغيرة واقفة جنية وحاطه مكياج ع وجها وعيونها بجننو كتييير كانت راسميتهم بالكحل والماسكارا والظل كانو بجننو وحاطة حومرة حمراء واخوي حكالنا انو بدو يروح هو وابن خالتي يسبحو بمسبح صغير المسبح كان زي المنتجعات يعني مو بحر ولا مسبح كبير والمينى كانت صافية ولونها ازرق واخوي وابن خالتي ركبو بمركب صغير وصاروا يمشو فيه بالمسبح وكان اخوي يالي بيتحكم بالمركب يعني هو الي كان يقود المركب بسرعة وحرفة وكان مبسوطين..انتهى الحلم..اخوي وابن خالتي بيدرسو بنفس الجامعه تخصص هندسة اخوي هندسة حاسوب وابن خالتي هندسة مدنية ووضعهم تعبان بالدراسة بس اخوي بيدرس وبحاول يزبط وضعة بينما ابن خالتي مستهتر وهمه نفس العمر وبنتي يلي شفتها بالمنام حاطة ميك اب عمرها سنتين واربع شهور واخوي عيونه تعبانه بسبب طول النظر وانا مطلقة عمري26تقريبا

  25. حلمت بابنت عمي المخطوبة انها عامله حفله بس ما شفت في اغاني عامله حفلة مشان شي مناسبة بس مو مشان الخطبة المهم عاملة الحفله وكانت لابسة فستان احمر طويل بس كان الفستان وسيييع عليها وطويل وسييع كتير وكان الفستان احمر سادة وكان معها اشي زي فرد السيليكون كانت بدها ترسم على الفستان بس انا أخذته منها ورسمتلها انا عليه رسمات حلوه لونها بيضاء وكنت بدي ازبطلها الفستان واضيقة عليها مشان يصير احلى عليها بس هي ما رضيت وشلحت الفستان وليست بلوزة طويله للركبه أو اقصر وحجاب وبنطلون بس امها ونحنا حكينالها الفستان منيح والفستان مناسب للحفلة ولبسك هاد مو زابط الحفله بس هي ما رضيت وحكت لا الفستان مو مناسب الي المهم كنا قاعدين انا وبنت عمي اجت علي انا والعروس بنت عمنا الصغير واخوها وخالها والبنت حكتلي اعطيني اشي زاكي وكان نازل من أنفها مخاط وانا كان معي شنطتي فتحتها وتغطيتها فاين لتمسح مخاطها وبس مسحته انا اعطيتها حبة حلو واخوها كان معي زهرة (قرنبيط) كان بيوكل واعطاني واعطى امي بس احنا شمئزينا من شكلها وبس انتهى الحلم…انا مطلقة وبنت عمي مخطوبه وخطيبها فقير مخطوبه الها سنه ونص

  26. حلمت باخوي عمرة25سنه تقريبا انو كان عامل عمليه بعيونه لأنه معه طول نظر والعمليه عملها مشان يعالج عيونه ونجحت العملية وكنت أنا يطلع على عيونه شفت بنتي الصغيرة واقفة جنية وحاطه مكياج ع وجها وعيونها بجننو كتييير كانت راسميتهم بالكحل والماسكارا والظل كانو بجننو وحاطة حومرة حمراء واخوي حكالنا انو بدو يروح هو وابن خالتي يسبحو بمسبح صغير المسبح كان زي المنتجعات يعني مو بحر ولا مسبح كبير والمينى كانت صافية ولونها ازرق واخوي وابن خالتي ركبو بمركب صغير وصاروا يمشو فيه بالمسبح وكان اخوي يالي بيتحكم بالمركب يعني هو الي كان يقود المركب بسرعة وحرفة وكان مبسوطين..انتهى الحلم..اخوي وابن خالتي بيدرسو بنفس الجامعه تخصص هندسة اخوي هندسة حاسوب وابن خالتي هندسة مدنية ووضعهم تعبان بالدراسة بس اخوي بيدرس وبحاول يزبط وضعة بينما ابن خالتي مستهتر وهمه نفس العمر وبنتي يلي شفتها بالمنام حاطة ميك اب عمرها سنتين واربع شهور واخوي عيونه تعبانه بسبب طول النظر وانا مطلقة عمري26تقريبا

  27. حلم بابا في انا انو اجاني عريس شب مو كبير يعني بالعشرين من عمري أو اكبر شوي ومعو أهله معهم المأذون وامي جالسة وبابا وانا وكان الشيخ او المأذون بكتب بالعقد (عقد الزواج)بس أثناء كتابة العقد بابا حكى لامي انا ما بدي اعطيهم لأنه الشب ما اله وضيفة(عاطل عن العمل)وحكالها كيف بدو يصرف عليها ويعيشها لأنه ما يشتغل حكتله الماما متل ما بدك اعمل الي بريحك وبابا أنهى الموضوع وحكالهم ما في نصيب ..وانتهى الحلم..انا مطلقة عمري ٢٥سنه عندي بنت

  28. حلمت انني ساكنة بمكان راقي انا وابنتي الصغيرة وانا طبخت كرنب (ملفوف) كتيير ووزعتها على عمارة فيها سكان كتير يعني وزعت الملفوف صدقة وكانت في جارة الي بتاكل من الملفوف وشكرتني وحكتلي انتي رح تاخدي اجر كبير لأنك طبختي ووزعتي على الجيران حكيتلها انا كل أسبوع بدي اطبخ طبخة واوزعها على الجيران صدقة والاسبوع الجاي بدي اطبخ منسف واكتر منو واوزع منه على العمارة التانيه وكل مرة بوزع على عمارة شكل وشفت طفلة صغيرها ابنت جارتي الي كانت تتحدث معي كانت الطفله مبسوطه مني وحابة تحكي معي وانا روحت على شقتي وطلعت بالمصعد الكهربائي (الاصنصيل)وفتت على شقتي كنت أنا ساكنه بالشقة بعمارة كبيرة كتير وحلووة كتييير ومريييحة كتير انا كنت مرتاحة لدرجه كبيرة..انا مطلقة

  29. حلمت انني تعبانه ورأسي يؤلمني وحرارة بابا اخدني على مركز صحي ليفحصني فحصتني وحدة ممرضه بجهاز على رأسي ووخزتني إبرة على رأسي اخدت عينة دم لتفحصني انا دوخت واغمى علي وبابا صحاني وصحصحت شفت انفي نازل منه مخاط مسحت المخاط ووقفت وسألت الممرضة انا مريضه بمرض الكورونا ولا لا حكتلي وهي متردده راجعيني كمان اسبوعين ببين عندي ازا مريضه ولا لا انا كررت السؤال عليها وحكيتلها لا تخبي علي اخدتني ع جنب وحكتلي ادللي على اهلك وبدي تحكيلهم انك مريضه بفايروس كورونا وانا حكيتلها ماشي مشان يدللوني اهلي واعطتني ورقة مراجعة بعد اسبوعين وكانت الورقة مختومه من الوزارة وعمي مسك الورقة حكالنا الورقة مختومه من الوزارة ومشينا انا والبابا نروح عالبيت بس الطريق كان مسكر بالتراب وعمي سيارته كان التراب عليها ويحاول يشيل عنها التراب ومرته حكتلنا والله الجبل انهار علينا وعلى السيارة كنا رح نموت وانا وبابا كنا بدنا تقطع الطريق بس ما عرفنا لأنه الجبل انهار على الطريق بس فجأة الطريق فتح قدامنا والتراب بعد عن الطريق والطريق صار مفتوح قدامنا ومشينا انا والبابا وبس قطعنا الطريق رجع التراب سكر الطريق بس احنا نفذنا من التراب وعمي وزوجته وسيارته ضلو مكانهم والجبل ضل منهار عليهم ..وانتهى الحلم..انا مطلقة وبابا حالته المادية تعبانه كتيير عمرة ٤٦سنه

  30. حلمت باخي واقف يتكلم مع صبيه (فتاه)جميله ولابسة فستان قصير للركبة لونه احمر وحاطة مكياج وحومرة حمراء وجميييلة وانا استغربت كيف اخي بيتكلم معها لأنه اخي محترم وطالب بالجامعه تخصص شريعة وانا صرت ابكي واحكيلة ليش هيك انت هاد غلط وهو مسك البنت وحملها على ايديه وبعدها من المكان حطها بمكان تاني ورجع لعندي وكان في مناسبة ما بعرف لمين وأكلنا منسف (المنسف اكله أردنية بالارز والجاج او اللحمة واللبن)المهم اكلنا واخي حكالي انا وجدت شعرة بالاكل واخد الشعرة رماها وما كمل اكله لأنه اشمئز من الشعرة وكان لابس شماغ احمر وعقال على رأسة وكانت بنت خالي اسمها عبير بتاكل معنا والمناسبة والأكل كان عند خالي ابو عبير وبس خلصنا اكل انا رحت غسلت ايدي وغسلت اسناني بالمعجون بدون فرشاه غسلتهم يايدي..انتهى..انا مطلقة عمري٢٥ واخي عمرة٢٠سنه تقريبا طالب جامعه بدرس شريعه ومحترم كتير وما بحكي مع بنات لأنه بخاف الله من الحرام .

  31. حلمت انا كنت بسيارة بمكان ما بعرفة وكان معي ثلاث أو أربع رجال وابي كان معي أوقفوا السيارة بقرية غريبة وفيها ضباع كثييييرة نزل ابي والرجال من السيارة ما بعرف وين بدهم يروحو بس انا خفت انزل معهم من الضباع وكان معهم سلاح رشاش وبعد شوي شفت حالي معهم واقفة بين الضباع وخاييفة كتيير والضباع شافوني وصاروا بدهم ياكلوني والتفوا حوالاي وصاروا اشي يمسك ايدي واشي يمسك رجلي المهم بحاولو ياكلوني وانا ابكي وخايفه واحدا من حدا سلاح(رشاش) وطخيت ثلاث أو أربع ضباع والبقيه خافو وبعدو عني وشفت ضبعه انثى بس شفتها على شكل انسانه بس هيه ع أساس ضبعة وحكت معي بلطف وحكتلي احنا جوعانين وانا بدي اعلمك كيف تطعميني وتروضيني وكان في قطعت لحم نيه كبيرة أهدتها مشان اطعمها مسكتني الضبعة من ايدي بلطف وحكتلي امسكي اللحمه واتركيها الي هيك وانا حكيتلها ماشي ورميت اللحمه الها واخدتها وكان في ضياع كتيرة حواليها اشي نائم واشي صاحي بس كانو جالسين بهدوء وانا تركتهم ومشيت وطلعت من المكان..انتهى الحلم..انا مطلقة عمري٢٥وعندي بنت

  32. حلمت انني جالسة وبجانبي افعى طوييلة كأنها لونها ابيض بدها تلدغني برجلي بس انا كنت لابسة حفاية لونها سوداء وابها كعب صغير وضربت الافعى على رأسها بس ما ماتت وضليت اضرب فيها اكتر من مرة وصحيت من الحلم وانا اضربها على رأسها…انا مطلقة.عمري٢٥

  33. انا فتاه مطلقة عمري٢٥سنه حلمت بحبيبي السابق كنت أحبة قبل الزواج من طليقي وانقطعت علاقتي معه وقبل فترة تواصلت معة للاطمئنان علية وقطعت علاقتي معه مخافة لله لأنه حرام بس حلمت فيه قبل يومين أنه كان بده يخطبني وبنت عمي كانت على شجرة زيتون بس حسيت انها حكتله شغلات كذب عني مشان يتركني وكان طليقي هو الي موديها عليه وصار يبكي وانا كنت بدي ابرر الموقف وافهمه أنه الحكي كذب بس كان يبكي كتير وما سمعني وانا مشيت لآخر الصالون شفت بالغرفة طليقي موجود لابس بدلة سوداء وانا حكيتله ليش انت فتنت بيني وبين حبيبي انا بحبه وانت خربت علي انت كسرت ظهري وقلبي وصرت ابكي كتيير وأعاتب فيه وهو كان مبسوط وبرقص وحبيبي كان يبكي وانتهى الحلم…حبيبي اسمه محمد تركته زمان كنت تعرفة قبل أربع سنين وحكيت معه قبل شهر اعرفت أنه متزوج وعنده بنت ولد انا بحن اله أحيانا بس مشان الحلال والحرام تركته وطليقي هو كان سبب بأنه تركت حبيبي وتزوجني غصب عني وكان سيء معي جدا هو كان السبب بأنه انا تركت حبيبي واتزوجه لأنه حبني غصب عني وتزوجني بس انا عندي بنت منه وطلقت منه من سنه ونص انا بكرة طليقي بشكل جنوووون

  34. حلمت انا كنا نايمين بالليل وصحيت لقيت بنتي الصغير جوا غرفة اهلي وباب البيت مفتوح طلعت لبرا البيت على الأرض قدام بيتنا (حوش البيت او الحاكورة)سمعت صوت لجيرانا وشفت بالحوش شجرة لوز لجيرانا واصلة عنا يعني جيرانا زارعين شجرة لوز وواصل نصها لحوشنا انا تفاجئت لأنها واصلة عندنا ونبسطت وقطفت لوز منها واكلت وحطيت لوز بجيب بجامتي وشفت السور الي حوالي بيتنا في باب جديد جنب الباب القديم وكانو البواب مفتوحة وانا ستغربت من الباب الجديد انو مين عامله…المهم.وانا كنت باكل لوز وبقطف وبخبي بجيب بجامتي اجت مرت خالي ومعها بكستين صبر (صبار)وفاتت علينا الصبر جابته هدية النا..انا مطلقة عمري ٢٥سنه وعندي بنت صغيرة

  35. رأيت انني في البيت وامي موجودة في غرفة فيها اكتر من سرير لاخواني وانا رأيت عقرب اسود اختبأ تحت تخت وامي حاولت أن تبحث عنه لكن لم تجدة وانا رأيت أن مجموعة من رجال وشاب صغير بالسن بالعشرين عمرة زارونا ودخلو بيتنا وبعد قليل ذهبو وخرجوا من البيت وامي سألت أبي من هؤلاء الرجال قال إنهم طلبوني انا من أبي لخطبطي للشاب (يعني خطبوني للشب الي معهم) بس ابي لم يرغب بهم انا زعلت منه وحكيتله انا بدي اخطب لأنه انا مطلقة وعندي بنت والعريس عمرة صغير وشب ما بضيعه امي حكتلي في عريس تاني بنشوف مين الاحسن وبتخطبي انا نبسطت وارتحت..انتهى الحلم..انا مطلقة من سنتين ونص وعمري٢٥سنه عندي بنت عمرها سنتين ونص….

  36. انا فتاه مطلقة عمري٢٥سنه حلمت بحبيبي السابق كنت أحبة قبل الزواج من طليقي وانقطعت علاقتي معه وقبل فترة تواصلت معة للاطمئنان علية وقطعت علاقتي معه مخافة لله لأنه حرام بس حلمت فئة قبل يومين أنه كان بده يخطبني وبنت عمي كانت على شجرة زيتون بس حمالة شغلات كذب عني مشان يتركني وصار يبكي وانا كنت بدي ابرر الموقف وافهمه أنه الحكي كذب بس كان يبكي كتير وما سمعني وانا مشيت لآخر الصالون شفت بالغرفة طليقي موجود لابس بدلة سوداء وانا حكيتله ليش انت فانت بيني وبين حبيبي انا بحبه وانت خربت علي انت كسرت شهري وقلبي وصرت ابكي كتيير وأعاني فئة وحبيبي كان يبكي وانتهى الحلم…حبيبي اسمه محمد تركته زمان كنت تعرفة قبل ثلاث أو أربع سنين وحطيت معه قبل شهر تعرفت أنه متزوج وعنده بنت ولد انا رحت اله أحيانا بس مشان الحلال والحرام تركته وطليقي هو كان سبب بأنه تركت حبيبي وتزوجني غصب عني وكان شيء معي جدا هو كان السبب بأنه انا تركت حبيبي واتزوجه لأنه حبني غصب عني وتزوجني بس انا عندي بنت منه وطلقت منه من سنه ونص انا بكرة طليقي بشكل جنوووون…

      1. انا فتاه مطلقة عمري٢٥سنه حلمت بحبيبي السابق كنت أحبة قبل الزواج من طليقي وانقطعت علاقتي معه وقبل فترة تواصلت معة للاطمئنان علية وقطعت علاقتي معه مخافة لله لأنه حرام بس حلمت فيه قبل يومين أنه كان بده يخطبني وبنت عمي كانت على شجرة زيتون بس حسيت انها حكتله شغلات كذب عني مشان يتركني وكان طليقي هو الي موديها عليه وصار يبكي وانا كنت بدي ابرر الموقف وافهمه أنه الحكي كذب بس كان يبكي كتير وما سمعني وانا مشيت لآخر الصالون شفت بالغرفة طليقي موجود لابس بدلة سوداء وانا حكيتله ليش انت فتنت بيني وبين حبيبي انا بحبه وانت خربت علي انت كسرت ظهري وقلبي وصرت ابكي كتيير وأعاتب فيه وهو كان مبسوط وبرقص وحبيبي كان يبكي وانتهى الحلم…حبيبي اسمه محمد تركته زمان كنت تعرفة قبل أربع سنين وحكيت معه قبل شهر اعرفت أنه متزوج وعنده بنت ولد انا بحن اله أحيانا بس مشان الحلال والحرام تركته وطليقي هو كان سبب بأنه تركت حبيبي وتزوجني غصب عني وكان سيء معي جدا هو كان السبب بأنه انا تركت حبيبي واتزوجه لأنه حبني غصب عني وتزوجني بس انا عندي بنت منه وطلقت منه من سنه ونص انا بكرة طليقي بشكل جنوووون

  37. حلمت بقطيع من الخواريف وثلاث بقرات سود سمينات كانو واقفين حوالي ورائيت اني كنت بالدكان بدي اشتري شبس وبسكوت بس ما لقيت اشي متل ما بدي واخذت من الدكان بزر لونة احمر وتغير المكان لقيت حالي بتفرج على بحر كان جوا البحر سمك كبير وحوت جوا المي بيسبحو…وانتهى الحلم…انا مطلقة عمري٢٥

  38. حلمت انني كنت بالمسجد الأقصى جالسة وكان ناس كتيير كأنهم بصلو أو بدهم يصلو وفجأة فاتو ثنين من الاسرائيلين لابسين عسكر(لباسهم الحقيقي)ومعهم اسرائيلي ميت شايلينه بدهم يدخلوا جوا الأقصى وانا وبنت وشب صرنا نصرخ عليهم وطردناهم من الأقصى وطلعت لبرا رجع واحد فات لعندنا جوا الأقصى وحكالي وحكى الشباب والبنت تعالو على القاضي بدنا نحاكمكم بالاعدام لانكم طردتو الاسرائيلين وانا زعلت شوي لاني بدي اموت بس رجعت فكرت شوي حكيت عادي انا بموت شهيدة الحمد لله همه بدهم يموتوني بموت على ايدين الاسرائيلين بموت شهيدة وبموت بالمسجد الاقصى كمان يعني شو بدي احلى من هيك موته الحمد لله ونبسطت بس تمنيت انو اموت بالكعبة المشرفة وبعدين انا كان معي صحن رز ومعالق كتيرة رحت على المكاتب حطيت على كل مكتب معلقة ورجعت بسرعة وكنت أنا والشب والبنت بنخطط لنعمل اشي للاسرائيلين…وانتهى الحلم…انا مطلقة عمري٢٥

  39. رأيت أن اخي اشترى وجبة شاورما واشترى بيتزا ولحمة مفرومه ناعما ولحمة مفرومه خشنة واكل الشاورما وشبع وصل البيتزا واللحمة وحكتلي اللحمة حقها تقريبا ب4دنانير وانا حطيت لامي بنقدري تعمليها كباب محشية بجبنه وامي حكتلي ونحشيها قشطة وانتهى الحلم…اخي طالب جامعه عمرة 24سنة وانا مطلقة 25سنه

  40. اعذريني اختي لاني مغلبيتك معي باحلامي بس والله انا بحب افسر كل اشي بحلمة لأنه انا نفسيتي تعبانه ومتأملة من الله خير ان شاء الله….رأيت في المنام جرأة لونها اخضر تمشي على رخام المطبخ ودخلت جوا اثاث المطبخ بس ما اكلت اشي وتغير لونها للرمادي ورجع تغير مرة تانيه الاخضر وانا خفت منها واجا بابا مسكها بايدة ورماها على الأرض بس ما بعرف ماتت ولا لا…انتهى….انا مطلقة وعمري٢٥

  41. حلمت اختي مبارح بالرسول صلى الله علية وسلم فاطمة ابنته وصفية زوجة الرسول..يا ريت اختي تفسري الحلم بالتفصيل…حلمت انا كنت قاعدة وحسيت انا كنا ايام الجاهلية قبل الإسلام وكان امبراطور موجود امبراطور غير مسلم كان جالس على مكتب (ملك)وكانت جالسة جنبي زوجة الرسول صفية وكنا نتحدث واجا حدا أعطى الملك أو الامبراطور رسالتان واحدة حمراء والثانية رمادية اللون وحكاله هاي الرسائل من محمد الرساله الرمادية خاصة بالامبراطور والحمراء ليست خاصة به اخذ الامبراطور الورقة الرمادية الخاصة به وتركها على المكتب وأخذ الحمراء وفتحها بنفس الوقت رأيت فاطمة الزهراء ابنت الرسول تقراء سورة الكهف وهي تقرأ أيدها الامبراطور وقال إن السورة مكتوبة على الورقة الحمراء وكان الرسول صلى الله علية وسلم أعلن رسالة الإسلام والامبراطور حسيت انه صدق الرسالة وانا حسيت انه انا جالسة مع فاطمة الزهراء وأحيانا انا نفسي بكون فاطمة الزهراء يعني مرة بشوف حالي انا فاطمة ومره بشوف فاطمة الزهراء جنبي جالسة وشفت الرسول جالس وانا جالسة معه وكان لابس ثوب طويل لونة سكني او رمادي وشيء ابيض على رأس أو عمامة …انتهى الحلم…انا مطلقة عمري٢٥

  42. انا قبل شهر تقريبا اجاني عريس واستمرت اكتر من مرة وحلمت حلم بوقتها وامي ما كانت حابة العريس مو مرتاحيتله بس ما حكت شي يعني تركتني انا اختار بس موضوع العريس تفركش وخلص وحالة اعرف تفسير الرؤية الي شفتها…رأيت(انا كنت بالبيت وامي اعطتني دلو صغير وحكتلي اطلعي على شجرة التين واقطفي منها اين وهبي الدلو كله حكتلي اقطفي من شجرة الليمون واقطفي منها كمان وانا طلعت برى وطلعت على الشجرة وقطفت تين ورحت الليمون واعطيت الدلو لاخوي وحكيتله انت اقطف الليمون وشجرة الليمون كان الليمون اخضر وشجرة التين كبييرة وحبات التين ناضجة ورحنا على جدتي ام امي وكان في عرس بس ما بعرف لمين وامي طالعة بالباص (بالفاردة)وانا ما اخذتني وانا زعلت ورنيتلها على التلفون وحكيتلها بدي اطلع معك حكتلي لا وبكيت وقعدت مع خالاتي زفات على بيت جدتي كانو بيطبخو مشان العرس وكان وحدة غريبة بتعمل حاجه مشوي وطعمتني فخذة مشويه كانت كتيييير زاكية ) انا مطلقة

      1. لماذا الموضوع لم يستمر لقد كانت رؤيه جيده لكي يدل ع ضياع حق لكي وانك ستحصلين عليه وهناك سعاده قادمه لكي وهموم تحاولين التخلص منها ومناسبه كانت قادمه لكي . وواضح ان سبب عدم التكمله هي والدتك اليس كذلك ؟

  43. حلمت انا كنت بالمستشفى واعطاني الدكتور علاج الي ولبنتي العلاج كان حبوب ورأيت انو الممرضة حكتلي انو ابنتي معها فيروس بالمعدة وكنت بدي اعالجها بس طلعت قعدت برا المستشفى رأيت فراولة وموز كتيير وفواكة وكنت حالة اكل تفاح بس انا شفت شجرة رمان كبييرة وعليها رمان كثيييير ولونه احمر وقطفت رمانتين واكلت فراوله حبة واخدت وحدة تانية..انتهى الحلم..انا مطلقة وعمري ٢٥سنه وعندي بنت صغيرة واكرة طليقي وملتزمة بالصلاة واثراء سورة البقرة بشكل يومي الي يقراها ثلاثة شهور..ارجو التفسير بالتفصيل..شكرا….

  44. حلمت انني كنت يشتري عطر اسمة صبايا من بنات والعطور كان مركب وكان في عطور كتييرة وطلعت بالباص ورضيت عطر على ملابسي بس حسيت العطر ما عجبتني ريحتة وطلعت عطر تاني من شنطتي (حقيبة يد نسائية)ورضيت عطر مرة تانية وكان ريحتة حلوة

  45. حلمت اني كنت لابسة خمار وفتت على بيت بدي اتسول نقود يعني اطلب فلوس واجا ابن عمي من بعيد على حصان ومعه مطرقة (شاكوش)وضربني بس مو متذكرة اذا ضربني على راسي أو على كتفي ضربني مرتين او تلات مرات وبعدين شفت الارض ببيت الي انا طلبت منه فلوس شفت الارض كلها حلاق (حلق يعني قرط للاذن )وكانت الارض فيها كتير وصرت اشيلهم من عالارض..انتهى..انا مطلقة

  46. حلمت انا كنت ماشية مع بابا وكنت شايلة بنتي وفتت على دكان (سوبر ماركت)وشتريت شبس وبسكوتين شوكولا لبنتي والبياع كان شاب وطلب مني ثمن الشبس والبسكوت وحكالي بدي ربع دينار واعطيتة ربع وكتب على الورقة المشتريات وحكالي ان شاء الله بتكوني الي ومن نصيبي انا ستغربت بس نبسطت من حكية وحكيتلة بابا واقف برا حكالي اعطيكي رقمي ومسك تلفونه بس انا حكيتله اكتب الرقم على ورقة وكتب رقمه على ورقة كبير انا اخذت الورقه وصغرتها وخبيتها والرقم انا مو متذكريتة كله بس متذكرة في مكتوب٧٠٧٦٩بس هيك متذكرة وتغير المكان وشفت حالي عند جدتي وكانو خالاتي وخولاي وناس كتيرة بيعملوا (مطابقة )(أكلة أردنية بتشبة المكمورة)وامي حكتلي بدي اروح على الحمام وانا شفت رجل بين الناس بيطلع علي وبيعمل المطابقة بالعجين..وانتهى الحلم…انا مطلقة وعمري ٢٥وعندي بنت صغيرة والمطابقة أكلة بنعملها بالعجين والبصل والزيت بالفرن…

  47. رايت لبنت عمي المتوفية وامها(يعني مرت عمي) واخاها(يعني ابن عمي) ورأيت مرت عمي بدها تخطبني لابنها وابن عمي حسيت بده اياني بس ما حكولي انا حسيت احساس وابنتها عمي المتوفية كانت مبسوطة ولدها اياني وكمان ما حكولي اشي انا هيك حسيت وفجأة بنت عمي حضنتني وصارت تبكي على وضعي وانا بكيت وهي تأثرت علي كتير مشان وضعي لاني مطلقة..انتهى الحلم..انا مطلقة عمري٢٥سنه وعندي بنت عمرها سنتان وابن عمي متزوج وشاب وبنت عمي متوفية بالحقيقة…وشكرا..

  48. رأى ابي بالمنام قبر مفتوح وعمي الكبير(اخ ابي)نائم بالقبر وأتى رجل غير معروف اخذ ذهب من القبر واعطى ابي منه ذهب رباع لونة اصفر واحمر والرجل اعطى ابي رباع ذهب اكثر من مرة وعمي الكبير النائم بالقبر كان يريد اخذ الذهب من ابي ومن الرجل وكان يريد أن يوزع الذهب على اعمامي وابي بالتساوي لكن ابي لم يرضي وحاول عمي اخذ الذهب لكن لم يقدر أخذه وجدي والد ابي لم يكن يريد أن يأخذ عمي الذهب من ابي وذهب ابي من المكان الى مكان اخر ورأى خيول كثير تقريبا خمسة وعليها شباب ورجال ونساء دخلو بيتنا..انتهى الحلم..ابي عمرو ٤٥سنة والحلم بعد الفجر بساعة ومكان الذهب بالحلم كان مكان بيتنا ..وانا ابنته الوحيدة والي اربع إخوة شباب اصغر مني

  49. حلمت انا كنت بالبيت واجل أستاذ اللغة الإنجليزية كان يدرسني وانا بالثانوية العامة يدرس حدا من البيت ما بعرف مين بس كأنو بدرس اخوي المهم انا شفتو وطلعت قعدت عالطاولة عنده وكنت لابسة عباي ومزبطة حالي عالاخر وبعدين انا طلعت ورحت برا البيت شفت الارض كلها ثلج كتييير وشفت ثعلب أو ذئب بس حسيت انو ثعلب وكان لونة ابيض وكان الييف معي غير شرس واجل عندي الثعلب وكان يحبني وصار بدو يغتصبني وانا كنت ما بدي وابعدو عني وهو حاول اكتر من مرة بس ما بعرف اذا اغتصبني ولا لا المهم انا كنت حاسة انو جسمي علية حرارة عالية متل النار روحت جلست على الثلج وغطيت جسمي بالثلج وحسين انو الحرارة راحت من جسمي وارتحت كتييير والثلج حسيتة مو بارد كتير يعني ما اذاني بالعكس مريح وانا طلعت من الثلج شفت فيل كبيييير وفيل صغيير وانا خفت منهم واجا الثعلب جنبي ليدافع عني من الفيل وتغير المكان كنت بالبيت وشفت كائن غريب كانو فضائي وامي قطعت رأسه وامسكت برأسو بايدها وحكتلي انا قتلته وانا كنت خايفة منه وفتت عالبيت وسكرت الباب بالقفل واجا واحد تاني (رجل فضائي)وصار يهاجمنا بس الباب مسكر..وانتهى الحلم..انا مطلقة وعمري25ونص

  50. حلمت انني كنت في بيت طليقي وكنت خائفة منه لأنه ممسوس من شيطان ورايت والد طليقي المتوفي برقية بالقرءان وهو يصرخ وكان الشيطان يصرخ عنه لكن بعدها هدى وتعافى ونام وغطيناه باللحاف وكنت أنا جالسة فوق راسو نصرت آلية وجدت أن النائم ليس طليقي وانما النائم هو ابنتي الصغيرة عمرها سنتان وكانت ممسوسة وكانت تنظر إلي وأنا خائفة منها وامسكت أيدي وكنت خائفة من الشيطان الي فيها وصرت ارقي فيها وقرأت انا عليها سورة الفاتحة 7مرات وغيرها من التحصينات لكن لا اذكر وصحوت من المنام…انا مطلقة عمري 25سنه ولا ارغب بالعودة لزوجي واكرهه كثيرا وهو بالحقيقة ليس ملتزم بالدين فاسق وكذاب ولا يصلي ولا يصوم يعني بالعربي(بلطجي)واتمنى من كل قلبي اخد حقي منه لأنه لا يصرف على ابنتي ولا يعطيني حقي من مهري ونفقاتي انا وابنتي واتمنى الزواج من رجل افضل منه وعمر ابنتي سنتين ووالدة متوفي من سنة تقريبا….

      1. حلمت اني كنت من بالحلم وكنت ماسكه التلفون ورن رقم غريب ورديت طلع زوجي السابق(طليقي)بس حكا الو سمعت سورة البقرة شغالة من تلفوني التاني وصوت السورة عالي وصرت احكي الو ما سمعت اشي لانو سورة البقرة شغالة وفصل الخط والقران ضل شغال من التلفون وبس…انتهى الحلم…انا مطلقة وعمري ٢٥سنة عندي بنت صغيرة وطليقي انا يكرهه كتيير وما بدي ارجعلة لأنه يتاجر بالمخدرات وغير صالح وانا بقرأ سورة البقرة بشكل يومي وباستمرار تقريبا الي يقرها ٣شهور

  51. حلمت خير اللهم اجعله خير…انا وبنت عمي اسمها سجى عزباء رحنا على دار عمي الكبير وشفت مرت عمي طابخة ملوخيه وسجى طلبت اكل واعطتها صحن بس انا مسكتة الها وحكتلي مرت عمي انتي وصليلها إياه للبيت مشان ما يوقع منها وينكسر لأنه الصحن من (قزاز)وشفت بنت عمي سجى لابسة ذبلة بايدها الشمال ذبلة ومرفق وكانو كتييير حلوين وكانو ايديها منكرات مناكير احمر وعجبوني ما شاء الله وبعدين انا اخدت الصحن ونزلنا انا واياها مع بعض وانا كنت لابسة كندرة كعب عالي لونها اسود..انتهى الحلم..

  52. السلام عليكم اختي…امي رأت بالمنام انها جالسة عند بيت اهلها جالسة برا (بالحاكورة) جنبها شجر صبار وكانت جدتي وخالاتي بينظفو بغرفة تحت البيت (غرفة مستودع)وصارت الغرفة نضيفة وجمييلة جداا.. ورات انها اخذت دجاج ني(دجاج غير مطبوخ) أعطتها إياها خالتي بس كأنه خالي أعطاها الدجاج لخالتي لكي تعطيهم لامي وبعد شوي رأت أنها تلبس شال اسود ووضعت علية دبابيس (تقريبا اكثر من تسع دبابيس) وكانت تنظر بالمرآة وهي تلبس الشال..وانتهى الحلم..امي عمرها47سنة تقريبا…

  53. شكرا لكي على تعاونكي معي وعلى تفسيرك احلامي وانا تعاملت كثيرا مع مواقع تفسير للاحلام وجد موقعك افضل ومعاملتك معنا افضل وما شاء الله عليكي بتعرفي تفسري الله يفتحها عليكي ويجعلك من افضل المفسرات..شكرا حبيبتي…

  54. حلمت انا وبابا واخواني كنا ماشيين بمكان ووصلنا لبيت كبير بيت صالة حفلات للعرايس وانا دخلت البيت وشفت صاحبت البيت(منسقة الحفلات)شفتها لابسة فستان ابيض (فستان عرايس)وشعرها احمر وانا جلست معها بدي نتفاهم على حفلة عرسي لأنه كنت بالحلم بدي اتزوج (مع العلم انا بالحقيقة ما بدي اتزوج ولا مخطوبة)وفتت انا لجوا البيت وتغير المكان صار بيت لصاحبيتي اسمها رغد (صاحبيتي هاي بيني وبينها مشاكل وتقطعت اخبارها واخباري عن بعض من ٣سنين)وكانت رغد بالحلم متزوجة دكتور جامعة انا ستغربت بالحلم كيف هي تزوجت دكتور بعد شوي جلسنا وصاروا يحكو عن العسل الاسود وأنه العسل هاد الي بيدهن جسمه فيه ما حدا بشوفة وبيختفي عن الناس وبيظهر متل ما بدة وانا كنت لابسة فستان طويل وهو لابسة شال والفستان ابيض او سكري علية رسمات ورد وانا كنت حامل وبطني كبيرة وبعدين روحنا انا وكان معي حدا ما بعرف مين( بنات يعني)بس انا رجعت فتت عالغرفة بدي اشي ما بعرف ايش هو الاشي وفات علي الدكتور زوج صاحبتي ومسكني وزي الحضني وكان بدو يبوسني وانا صرت احكي بحالي ليش ما اتزوجة عادي انزل على ضرة لأنه دكتور وفجأة فاتت رغد بدور علي بس ما شافتنا والدكتور وهو حضني زي حسيت حالي رفعني عن الأرض (يعني طرت شوي عن الارض)وانا ستغربت كيف ما شافتنا بس انا فهمت أنه بسبب العسل وانا نزلت عالارض ورحت على العسل واكلت منه (لعقت اصبعي مرتين او اكتر)وكانو انا دهنت وجهي وايدي…انا مطلقة وعمري 25سنة وما في خطوبة

  55. السلام عليكم…حلمت أن في بيتنا بئر ما موجود في نص البيت وامي كانت تعبي ماء منه كانت تعبي مي بدلو صغير اخذت مي كتييير من البئر وانا رحت على أهل امي(دار جدي)وشفت خالتي(عزباء) وجدتي كانت بتحظن خالتي وخالتي ترفضها وانا حكيت لخالتي حرام بدها تصالحك وخالتي حظنت جدتي وتصالحو وكان في ماتور المي شغال عندهم وحكولي سكري المحبس وانا طلعت اسكرة شفت شجرة دراق كبيرة وقطفت حبة دراق منها كانت حبة كبيرة وحمراء واكلت منها ودخلت على جدتي وخالاتي وحكولي ليش تقطفيها وانا زعلت منهم وحطيت الدراق على الطاوله وبكييت بدون صوت وطلعت برا كانو حالاتي وحوالي ونسوان حوالي برا سلمت عليهم كلهم وفي بنت غريبه سلمت علي وحكتلي انا حبيتك من اول مرة شفتك فيها وحنيتلك كتييير وبعدين تغير المكان زماني كنت بالجامعة وكان في طلاب وطالبات بالقاعة وشفت شب كان بدو رقمي وكتب رقمة على ورقة وانا كنت بدي رقمة واعطاني حبتين شوكولاته وباكيت صغير حسيت انه علكة اكسترا الغالية والرقم على اساس موجود بالعلكة وبعدها اجت الدكتورة وأعطانا وراق الامتحان وبلش الامتحان انا كتبت وجاوبت كل الأسئلة والشب صار يحكيلي غششيني وانا غششتة ضع دائرة وحكيتله اول سؤال حط دائرة على (A) وثاني سؤال حط الخيار الاخير(٥)وخلص المنام….انا مطلقة وعمري 25سنة وخالتي عزباء عمرها47سنة وتتمنا الزواج وعلاقتها مع جدتي مو كتير منيحة جدتي بتدعي عليها وما بتحبها…ارجوو التفسير بالتفصيل وشكرا

  56. حلمت انا كنت بالحمام بنصف فيه وبنضف مغسلة الحمام وصار الحمام تضييق كتيير وكانت بنات عمي التوأم معي بالحمام أسمائهم عهد وشهد وانا صرت اتوظأ بس صحيت قبل ما اكمل للآخر وكانت بنات عمي متعجباات من تنضيفي للحمام ووضوئي ومبسوطات…انا مطلقة عمري٢٥

  57. حلمت امي بالملك رانيا (ملكة الاردن)انها كانت بمسرح يتحضر مناسبة وكانت امي قاعدة جنبها واخوي قاعد جنب امي وكانت الملكة مبسوطة من امي وأمي كانت فرااحنه كتير وبعد هيك شافت الملكة اخرجت براز والبراز وصل على ملابس امي وعلى ايدها…امي عمرها ٤٦سنه واخوي عمرة٢٤سنه ويدرس بالجامعة ..مع العلم انا بحلم بالملكة رانيا كتير كتير وانا مطلقة وعمري٢٥سنة…

  58. حلمت بزج خالتي اعطاني دبوسين(دبابيس الشال)حلوين وحدتي ام امي كانت موجودة وكنت بعاتب فيها لانها بتميز خالتي على امي كتيير ويتوقف معها على الظلال وهي بالحقيقة هيك وانا من قهري دعيت على خالتي بالموت وانتهى الحلم..مع العلم أنا بالحقيقة يدعي ربنا ياخد حقي من خالتي لأنها جرحتني كتيير وشوهت سمعتي بين قرايبي واذتني اكتر مما تتصوري …

  59. رايت بمنامي اجو ناس ليطلبو ايدي (خطابه)وكان العريس واختو وزوج اختو بس وكانت أخته محمرة يعني منقبة وحكولي اهلي أنه العريس عمرة 60سنه بس لما انا شفت العريس كان شكلة صغير وشب شكلة حلووو كتييير يجنن عجبني كتييير وانا عجبتة بعد شوي بابا صلى واخت العريس قامت وصلت…انا مطلقة وعمري25سنه عندي بنت عمرها سنتين…

  60. حلمت اهلي ودار عمي كانو بفرطو زيتون وانا كنت بالبيت بعمل اكل الهم وعملت منسف واجن خالتي مرت عمي من الزيتون وأخذت الاكل على بيتها وحكتلي بدهم ياكلو ببيتهم وبعد شوي اجو اهلي ودار عمي واجن خالتي على بيتنا وجابت الاكل بس حسبته غريب حكيتلها شو مال الاكل حكتلي حطيت مع الرز قرفة وحكتلي انها اكلت هي وعمي واولادها وقعدو اهلي مشان ياكلو بس تغير المكان وشفت بنتي الصغيرة عمرها سنتين بتصلي وكنت أنا وأمي عند خالي ببيته وخالية اعطاني جزدان (محفظة نسائية)لونها اورنج وأمي شافت قملتين أو ثلاث على ملابسي وشالتهم عني وكانت امي حامل وبطنها كبيير وبعد شوي خلفت (ولدت)وكأنها جابت بنت بس مو متذكرة منيح بس كان البيبي عمرة ايام…أنا مطلقة وعمري ٢٥ولا ارغب بالوعدة لطليقي واتمنى الزواج من الأفضل وعندي طفلة عمرها سنتين وخالتي بالحقيقة تكرهني ولا تحبنا وتحاول تشويه سمعتي…اتمنى تفسير حلمي بالتفصيل…وشكرا…

      1. حلمت قبل 5شهور تقريبا بخالتي نفسها انها كانت ترش حوالي بيتنا مادة سائلة بيضاء وحارقة كانت المادة هاي تذوب المكان الي كانت تيجي عليه وكانت الدنيا ليل ووقفت على باب بيتنا ورشت على نص البيت بالصابون وانا كنت خايفة منها وكانت خالتي بعيونها حقد كبير

  61. السلام عليكم….حلمت امي انها شايلة بنت عمي الصغيرة عمرها ٣سنين واختها عمرها ٤سنين ورأت البنت الصغيرة تبولت على الأرض وعلى الفراش في بيتنا تبولت كثيييير من البول وامي مسحت البول بالمساحة ورأت امي مرة عمي ام البنات انها قالت الها بدها تشكرها على الواتس على الحاله على الساعة ٢..امي عمرها ٤٦سنه وحالتنا المادية تعباانه وانا مطلقة وامنيتها اتزوج من رجل مناسب….

  62. السلام عليكم …حلمت انو انا بدي اخطب وبجهز بغرفة نومي الجديدة بس التخت نفس تختي الي بنام عليه لونة ابيض غيرت رأس التخت الامامي براس جديدة لونها بني وحلوة كتييير وكبييرة والتخت كان لونه ابيض وشفت دهان الغرفة لونه ابيض وكان بابا بيعمل باب لحمام ماستر بالغرفة الي ولون الباب ابيض او سكري وشفت ولد صغير تقريبا عمرة ١١سنه بيدق بمطرقة (شاكوش)بيدق فيها بمسمار بالأرض جنب الباب وبابا دق مسمار تاني باخر الجدار عند الباب وكنت مبسوووووطة بموضوع تجهيز الغرفة ولأنه بدي احكي ..وخلص الحلم…انا مطلقة واكرة طليقي وادعو الله بالزواج من شخص افضل من طليقي ومداومة على قرائة سورة البقرة بانتضام تقريبا الي ٦٠يوم على نية الزواج عندي بنت عمرها سنتين وعمري انا ٢٥سنة..وشكرا..اتمنى تفسير حلمي بدقة…..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *